Coñece o Máster e o seu profesorado

Destinatarios

O Máster está enfocado tanto a traballadores como a universitarios titulados que desexen formarse no campo do Marketing Dixital e converterse en grandes profesionais deste sector.

Un plan de márketing dixital para unha empresa real como TFM

O alumnado ao longo do curso analizará en detalle unha empresa e desenvolverá un Plan de márketing dixital como Proxecto de Fin de Máster (TFM).

No caso de que a empresa xa teña deseñado un Plan de márketing en liña, desenvolverá un módulo específico dentro do mesmo.

Ao final de curso o alumnado expoñerá oralmente nun tribunal de valoración oral o Plan de márketing dixital (TFM) para poder superar a formación.

Un dos membros do tribunal será un directivo/representante da empresa asignada.

Prácticas optativas

A Universidade de Santiago de Compostela (USC), a través da formación neste Máster, dá a posibilidade de realizar prácticas optativas a través dun convenio colaborativo con empresas.

Requisitos de acceso e criterios de selección

• Titulación universitaria
• Currículo vitae
• Carta de motivación
• Expediente académico
• Nivel de inglés
• Entrevista persoal
• Portátil propio
• Orde de solicitude de admisión

Prazas

Dado o carácter práctico do Máster, para poder desenvolver unha atención personalizada a cada alumno e manter a alta calidade da docencia, limitouse o número de prazas.

As prazas son LIMITADAS a 22 estudantes. É posible o acceso ao Máster se ao estudante lle faltan menos de 9 créditos e o TFG para a obtención da titulación universitaria. Para a expedición do título do Máster será necesaria a obtención de todos os créditos.

A orde de preinscrición influirá como criterio no proceso de selección. Realizarase unha entrevista persoal e posteriormente comunicaráselles a súa aceptación para iniciar, na data prevista, o proceso de matrícula.

Prazos

Para realizar a preinscrición, non é preciso anexar ningún documento. Para a matrícula, será necesario anexar os documentos requiridos nos apartado “Requisitos”. Tanto a preinscrición como a matrícula formalizaranse en liña a través da Secretaría virtual da USC nos seguintes prazos:

As entrevistas de acceso sempre están abertas, podes agendar a túa no horario que mellor che conveña.

Se realizaches a titulación universitaria de acceso fóra de España (ou nunha universidade distinta á USC), podes validar o título (solicitar a equivalencia) despois de realizar a preinscrición.

Sistema de avaliación

• Asistencia a clase (mínimo dun 90%). Se o alumnado asiste a menos do 90% das horas de docencia non poderá obter o título.
• Será necesaria a superación das probas prácticas puntuables desenvolvidas durante o Máster (formación continua). Será necesaria a presentación de polo menos o 90% das probas prácticas puntuables propostas na Guía docente.
• Traballo de fin de curso. O alumnado deberá depositar e defender un Plan de márketing dixital como Traballo de Fin de Máster (TFM) #ante un tribunal oral. Será necesario obter a cualificación de Apto no TFM para a obtención do título.

Prezo

O importe total da matrícula é de 6.000 euros (600 horas/60 créditos). Posibilidade de financiamento en dous prazos. O primeiro prazo (3.000€, abónase no momento de formalizar a matrícula e o segundo prazo, 3.000€, realízase no mes de xaneiro). 

Horario